انا شمالي00

**جرئ** · 10-26-2007 01:46 AM

صح الشمالي صدره أوسع من الكون..!!
بس إنتبه ..!! لاضاق صدر الشمالي..!!

وصح انك الغالي وانا فيك مجنون
بس انت ماقدرت من قال : غالي..!!

خيبت هقوات ٍ كثيرات وظنون
وأخلفت ماكان بخيالي وبالي

وخليت كل الناس عندي يقولون :
(مسكين يمشي بالهوى دون والي..!!)

والناس ناس ..!! وأكثر الخلق يدرون
باللي معك صاير .. وماقد مضالي

كم قلت لك لاتفعل اللي يسووون
خلك معى مخلص .. بأول وتالي

كم قلت لك إترك هل الهرج يحكون
وأرفع مقام الحب دايم بعالي

لأن الهوى مبدا وحكمه وقانون
شي ٍ كبير .... وشي .. شي ٍ مثالي

الله لو تدري اليا غبت وشلون ؟؟
حالي ... اليا من غبت.. وشلون حالي

لارحت ضلعي من عنا البعد محزون
حتى منامي ... لاحشا ... ماهنالي

وإن جيتني دمي وروحي يغنون
دبكة غلا .. من بعد طول إنشغالي

واليوم ماني فيك مغرم ومفتون
اليوم أنا في غيبتك صرت سالي

مالك ومالي .. ماانتْ للخافق تمون
وان قلت ليه..؟؟ اقول : مالك ومالي

وأكيد لك رجعه وأنا اكيد بكون
أحرقت صفحاتك ولا لك توالي

وبسّمعك ( أحلام ) .. لاجرت لحون
"وش ذكرك حب ٍ طوته الليالي"

نعم طويتك والغلا مات مطعون
حتى خيالك بقتله لاطرالي

ملعون أبو قلبي إذا جاك ملعون
وأنا معرب من عمام وخوالي

انا شمالي صدري اوسع من الكون
بس انت ماخليت صدري شمالي..!!

للشاعر خلف المشعان

**hassanh2006** · 10-26-2007 02:15 AM

[align=center]

كم قلت لك لاتفعل اللي يسووون

خلك معى مخلص .. بأول وتالي

كم قلت لك إترك هل الهرج يحكون

وأرفع مقام الحب دايم بعالي

لأن الهوى مبدا وحكمه وقانون

شي ٍ كبير .... وشي .. شي ٍ مثالي

مشكور اخوي لا هنت وصح منقولك

تسلم ذائقتك يالحبيب

صح لسان الشاعر خلف

ننتظر جديدك

[/align]

**alshoor** · 10-26-2007 02:54 AM

[align=center]للشاعر خلف المشعان

هنا أوضاعي .. / .. هنا أوجاعي. / . وهنا أطماعي فبعض أشياء

/_\/_\/_\/_\/_\/_\/_ هنا ـ وكل ماهنا يعني ( قصـــيده ) مالها داعي.!

:
:
:

يـ سيدي كل ماحاول أصححها >>> تزيد أخطـــاء x x x !!

/_\/_\/_\/_\/_\/_\/_ ولا في بيت تستجري . حــروفه . تكـــسب اقنااعي

:
:
:

وش اكتبلك ؟؟ وانا خــايف . بعـد مكتب. من الامضـــاء ..!!

/_\/_\/_\/_\/_\/_\/_ تحت ( صدق ) اعترافااااات القصـــيد . بمحضر ابداعي

:
:
:

وش اكتبلك ؟؟ وانا عــاجز أحس .. برغـــبة القرااااااااااااااااااااء

/_\/_\/_\/_\/_\/_\/_ وش اكتبلك ؟؟ ( واشاعات الخـــليقة ) تلوي ذراااااااااااعي

:
:
:

كرهت الشعر .. واتعبني المديح ... وغـــثني الاطـــــراء !!

/_\/_\/_\/_\/_\/_\/_ وصلت .. أعلى الهـــرم يمكن ..!! ولكن وينها اتباااااعي ؟

:
:
:

فهــد ــ عايد ــ عـلي ــ زايد .. كثير أسمــاء ....!!

/_\/_\/_\/_\/_\/_\/_ هنا كانت مشاعرهـم . تضــج . وتطرب اسماااااااااااااعي

:
:
:

هنا .. شاف الولد نفسه ( وشــاعـ ) وعشمووه ( براااااااااااء )

/_\/_\/_\/_\/_\/_\/_ وهنا ( ضاع ) وبدى يكــتب قصايد مالهاااااااا داااعي

---بـؤلـك .. ؟؟

إزاي .. يعـنـي !! كـيـف ؟ مــش فـاهــم ازاي ..؟؟
عاوزنـي ..؟ أئـلـك إيــه ؟؟ .. اسـمـع بـؤلـك .. ؟؟

:

ماهو ضروري .. مثلك .. يقول بي ... راي .... !!
لـنّـك .. ولا شكلـت .. لــي .. شــيـئ .. كـلـك .. !!

:

كلك .. على بعضك .. مثل .. حبـة .. التـاي .... !!
مـاشـوفـك اصـــلاً كــيــف ابــاشــوف ظــلــك...؟؟

:

والله .. كـبـيـره !! يحسـبـونـك مــــن اعــــداي. !!
أبــك أنـــت وش عـنــدك ؟؟ عـشــان أستـغـلـك !!

:

أنـــا عــــدوي .. لازم يــكــون .. شــــرواي ....!!
حــتــى .. عــــدوي .. لا تــظــن .. يـحـصـلــك ..!!

:

اسمع .. ياعين امـك .. تبـي تلحـق اقصـاي ... ؟؟
تبطـي عظـم .. خـلـك .. عـلـى جـنـب .. خـلـك ..!!

:

يامـدور الشهـره .. علـى أكـتـاف .. معـنـاي ....!!
اركـــد .. تـــرى يـابــوك .. مـحــدٍ .. فـطـنـلـك ..!!
:

عيـبٍ .. علـي .. .. يعاتبونـي .. اخويـاااااااي ... !!
والا .. وربـــي .. لـــو... بــذلــك .. / .. أذلــــك ؟؟
:
:

يكفـي .. أثـر .. كوعـي .. الياعفـت .. مركـاي ..!!
يــســواك .. مـابـيــن الـرجـاجـيــل .. كــلـــك ...!!

/// خلف المشعان///

عاد ياجري999 ترى الرجال يحب هل الشام
من هيك عم يبكي الصبي!!

أكذب عليك ان قلت لك : ياصاحبـي مافـي جديـد
لا والله الا ضـيّـقـت كـثــر القـصـايـد مـكـتـبـي

تبغى فخـر / والا حكـم / والا غـزل يابـو يزيـد
كـل القصيـد اللـي تبـي مـوجـود قـلـي وشتـبـي ؟

الأوله : قلت : ( عنـزه ) ماهـي بحاجـة للقصيـد
صبيـهـا مــن غيـرهـا يـسـوى 900 صـبـي !

قبيلة . من مجدهـا حتـى المـؤرخ يستفيـد
قــل للبلـيـد وذكــره. بـأحـداث فـلـم المـصـربـي

كل قوم قيل الاْ عنزه قومٌ أولـي بـأسٍ شديـد
صلـوا علـى ذكـر النبـي / كافـي لنـا ذكـر النـبـي

الثانيه : قلت الزمن هذا زمـن حـرب الصعيـد
أنـا واخويـه دون ابــن عـمـي / وضــد الاجنـبـي

والجاهلـيـه عــوّدت يمـكـن ولـكــن الأكـيــد
انـي ارتفعـت ولا بتـي حولـي وهـذا ملعبـي

من له رصيد من الأدب والذوق ما يبغـى رصيـد
والا الغبي مهما بلـغ يبقـى يبـن عمـي ، غبـي

الثالثـه : قلـت اتركـي عنْـك أغنيـه عبـد المجيـد
عنـدي لـك أحـلا منّهـا ياغاليـه بـس اقربـي

تقـول قربـك ياخلـف ماهـو مثـل قــرب البلـيـد
وتطلبني اقرب ياخلف ؟؟ أبك انت كلك مطلبي

معذور احبك ياغلا واعطي غـلا غيـرك جحيـد
واقول تأبرنى أنا من هيك عم يبكـي الصبـي
/// خلف المشعان مشاركة بسيطة لعيون جري 999[/align]

**أسير نجد** · 10-26-2007 08:40 AM

[align=center]جرئ999 أبـــو خالــد

الله يسعد صباحك بالخير

إختيار يدل على ذائقه شعريه رائــعه

من أجمل القصائد قصيدة الشاعر العذب خلف المشعان

وهذه لعيووووووونك أبــــو خالـــد

هل تعلم لماذا إتجاه البوصله دائما يشير إلى الشمال
من المؤكد انك لا تعلم
لتقرأ هذه القصيده من فضلك وستعرف السبب

لأجل الشمال وريحة الطيب والهيل حتى إتجاه البوصله جـاء شمالي
مدري عشق بأفعالنا فزعة الخيـل مدري عشق فينا صعـود المعالي
مدري عشـق فنجالنـا والتعاليـل أو عشقه أكبر من مساحة خيالـي
أو لأجل شمّرمتعبيـن المعاميـل أو عنزه مـن دار غالـي لغالـي
أو لأجل ربعي فزعتي عزوة رويل خمس الجموع ومحتميـن التوالي
كذا إتجـاه البوصله دون تحليـل بـس الأكيـد إن إختيـاره مثالـي
دار الشمال وعدلها يسبـق الميـل ومن شانها أعشق من هبالي هبالي
دارٍ تغنـي فـي كرمهـا مواويـل وطيبٍ يفوح ببوح صفـر الدلالـي
ولأجل الشمال وريحة الطيب والهيل أفخـر إذا قِيـل إنتمائي شمالي

تسلم فارسنا

(( أسير نجد ))

[/align]

**جرئ** · 10-26-2007 10:13 PM

حسن
الف شكر على المرور الرائع لاعدمنا التواصل00

**جرئ** · 10-26-2007 10:37 PM

alshoor

كلامك هو alshoor من مايحب الشام واهل الشام الف شكر على المرور والمشاركه اسعدني مرورك يارك الله فيك00

**جرئ** · 10-26-2007 10:39 PM

اسير نجد

يسلم ذوقك تاكد ان مايسعدك يسعدني فالقلوب شواهد00

**أُنـس الـحياة** · 10-26-2007 11:16 PM

مشكور اخي جرئ على نقلك الذوق

ام شمس

**جرئ** · 10-27-2007 12:23 AM

المشاركة الأصلية كتبت بواسطة سندريـلا [عزيزي الزائر / العضو لا يمكنك مشاهدة الرابط قبل الرد اضغط هنا للتسجيل ]

مشكور اخي جرئ على نقلك الذوق

ام شمس

ام شمس

اسعدني مرورك ياذوق والف شكر00

**شموع** · 10-27-2007 07:08 PM

اسلوب مبدع حقاا

دمت وداام قلم الشاعر خلف المشعان

يسلموو جرئ ع الطرح المميز

آخـــر الــمــواضــيــع

ضع إعلانك هنا

الموضوع: انا شمالي00

LinkBack

أدوات الموضوع

عرض

Hybrid View

انا شمالي00

مواقع النشر (المفضلة)

مواقع النشر (المفضلة)

ضوابط المشاركة